Astanada taǵy bir jol ýchaskesi ýaqytsha jabylady
ASTANA. KAZINFORM — Astanada Q.Amanjolov kóshesiniń Sh.Qaldaıakov kóshesinen Raıymbek batyr kóshesine deıingi ýchaskesinde jol tóseminiń joǵarǵy qabatyn tóseý jumystary júrgiziledi. Osyǵan baılanysty osy jylǵy 26-29 tamyz aralyǵynda atalǵan ýchaskede kólik qozǵalysy tolyǵymen jabyq bolady.
- Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz, - delingen ákimdik habarlamasynda.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
- Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, - delingen habarlamada.
Astanada Q. Muhamedhanov pen Sh. Aıtmatov kósheleriniń qıylysy ishinara jabylǵanyn jazǵan edik.
