Astanada taǵy bir velosıped mingen balany kólik qaǵyp ketti
ASTANA. KAZINFORM — Astanada jasy shamamen 6-7-gi velosıped tizgindegen balany kólik qaǵyp ketti. Qazir polıtsııa jol-kólik oqıǵasynyń mán-jaıyn anyqtap jatyr. Bul týraly threads áleýmettik jelisine kýáger bolǵan adamdar jazdy.
Oqıǵa 12 maýsymda Qoshqarbaev dańǵyly men Jumabaev kóshesiniń qıylysynda bolǵan.
Áleýmettik jelide (Threads) kýágerler oqıǵa ornynan foto jarııalap, shamamen 6–7 jastaǵy balany kólik qaǵyp ketkenin jazǵan.
Astana qalasy polıtsııa departamenti bul derekti rastady. Vedomstvo málimetinshe, Ford markaly avtokólik júrgizýshisi kámeletke tolmaǵan velosıpedshige soqtyǵysqan. Zardap shekken jasóspirimdi birden aýrýhanaǵa alyp ketkeni habarlanǵan.
Qazirgi ýaqytta oqıǵanyń barlyq mán-jaıy anyqtalyp jatyr.
Aıta keteıik, buǵan deıin Astanada júk kóligi velosıped mingen balany qaǵyp ketken bolatyn.
