Astanada taǵy bir kóshede kólik qozǵalysy toqtatylady
ASTANA. KAZINFORM — Elordada Kereı Jánibek handary kóshesiniń Á. Bókeıhan kóshesinen Sh. Murtaza kóshesine deıingi ýchaskede jol tósemine ortasha jóndeý jumystary júrgiziledi, dep habarlaıdy Astana ákimdiginiń baspasóz qyzmeti.
Osyǵan baılanysty, aǵymdaǵy jyldyń 21-25 mamyr aralyǵynda atalǵan ýchaskede qozǵalys tolyqtaı jabylatyn bolady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen habarlamada.
Buǵan deıin Astanada taǵy birneshe avtobýstyń qozǵalys syzbasy ýaqytsha ózgergenin jazǵan edik.
