12:35, 15 Shilde 2024 | GMT +6
Astanada taǵy bir kóshe jóndeýge jabylady
ASTANA. KAZINFORM – Astanada Buqar jyraý kóshesindegi ýchaske jóndeý jumysyna baılanysty jabylady. Bul týraly Astana qalasynyń ákimdigi Kólik jáne jol-kólik ınfraqurylymyn damytý basqarmasyna silteme jasap, habarlady.
Buqar Jyraý kóshesi boıynsha Qabanbaı batyr dańǵylyna jaqyndaǵan joldyń júrý bóligin keńeıtý boıynsha jumys júrgiziledi.
«Osyǵan baılanysty 15 shildeden 15 tamyzǵa deıin joǵaryda atalǵan ýchaske tolyǵymen jabylady. Bul rette Qabanbaı batyr dańǵylynyń ózi ashyq bolady, al kólik qozǵalysy Buqar jyraýǵa irgeles kóshelermen júrgiziledi», — delingen habarlamada.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.
