Astanada taǵy bir kóshe ýaqytsha jabyldy
ASTANA. KAZINFORM — Astana qalasynda ortasha jol jóndeý jumystary aıasynda taǵy bir kóshede jol qozǵalysy ýaqytsha shekteledi, dep habarlaıdy elorda ákimdiginiń saıty.
Elordada ortasha jol jóndeý aıasynda A. Baraev kóshesi men Sh. Ýálıhanov kósheleriniń qıylysynda, Asan Qaıǵy kóshesinen bastap jol jumysy josparlanǵan.
Osyǵan baılanysty 20-21 maýsym aralyǵynda atalǵan ýchaskede qozǵalys ishinara shekteledi. Bul rette kólik qozǵalysy eki baǵytta joldyń bir jaǵymen uıymdastyrylady.
— Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — delingen habarlamada.
Aıta keteıik, Astanada vedomstvoaralyq oqý-jattyǵýǵa baılanysty qozǵalys shekteledi.
