Astanada taǵy bir kóshe ýaqytsha jabylady
ASTANA. KAZINFORM — Jóndeý jumystaryna baılanysty kólik qozǵalysy ishinara jabylatyn bolady.
29 maýsym - 5 shilde aralyǵynda A.Kravtsov kóshesi boıynsha Taha Hýseın kóshesinen J.Tashenov kóshesine deıingi ýchaskede ortasha jol jóndeý jumystary júrgiziledi. Osyǵan baılanysty atalǵan ýchaskede kólik qozǵalysy ishinara jabylatyn bolady.
Bul rette qozǵalys eki baǵytta joldyń bir jaǵymen uıymdastyrylady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, - delingen ákimdik habarlamasynda.
Astanada Kereı-Jánibek handar kóshesi ishinara jóndeý jumysyna baılanysty jabylatynyn jazǵan edik.
