Astanada taǵy bir gaz jylý stantsııasyn salý jumysy bastaldy

ASTANA. KAZINFORM – Astana qalasynyń ákimi Jeńis Qasymbek Instagram paraqshasynda kezekti gaz jylý stantsııasy týraly jazdy. 

— Elordada ınfraqurylymdy ozyq damytý maqsatynda tirshilikti qamtamasyz etý nysandaryn salyp jatyrmyz.

Bul nysandar qalanyń jylý jáne elektr qýatyn, sondaı-aq sýmen jabdyqtaýdy arttyrýǵa múmkindik beredi. Biz úshinshi aýyz sý stantsııasyn (SSS-3), gazben jumys isteıtin jylytý qondyrǵylaryn, elektrli qosalqy stantsııasyn jáne basqa da nysandardy salyp, paıdalanýǵa berdik, — dedi qala basshysy.

Máselen, jańa jylý kózderin iske qosý jylý júıesiniń qýatyn 34%-ǵa arttyrdy, profıtsıt mólsheri 500 Gkal/saǵ. Qazirgi jylytý maýsymy qalypty rejımde ótip jatyr. Mysaly, aýa temperatýrasy -20°S bolǵan jaǵdaıda jylý profıtsıti shamamen 1500 Gkal/saǵ.

— Jylý qýatyn saqtaý maqsatynda 710 MVt qýatty jańa «Telman» gaz jylý stantsııasyn salyp jatyrmyz.

Jobanyń júzege asyrylýy nátıjesinde «Baǵystan» turǵyn úı kesheni, Telman eldi mekeni jáne Uly Dala dańǵyly aýdandary ortalyqtandyrylǵan jylýmen qamtamasyz etiledi. Tabıǵı gazdyń paıdalanylýy ekologııalyq jaǵdaıdy jaqsartyp, Telman aýdanyndaǵy aýanyń lastaný deńgeıin tómendetedi.

Sol sııaqty JEO-2-ni keńeıtý boıynsha daıyndyq bastaldy jáne JEO-3-tiń ekinshi kezegin jobalaý jumysy júrip jatyr, — deıdi qala ákimi. 

Aıta ketelik Astanada aldaǵy demalys kúnderi aýyl sharýashylyǵy jármeńkesi ótedi.