Astanada taǵy avtobýs apaty boldy

ASTANA. KAZINFORM – Elordada jeńil avtokólik jolaýshylar avtobýsyna soqty. Jol apatynan zardap shekken jandar bar. Bul týraly qalalyq Polıtsııa departamenti habarlaıdy.

- «Toyota» markaly avtokóliktiń júrgizýshisi Respýblıka dańǵyly boıymen kele jatyp, ońǵa burylý kezinde jolaýshylar avtobýsymen soǵysty. Jol apaty saldarynan avtobýstyń eki jolaýshysy jaraqat aldy. Jolaýshylar medıtsınalyq kómek alyp, keıin úılerine jiberildi, - degen habar aldyq Polıtsııa departamentiniń baspasóz qyzmetinen.

Qazir tekserý amaldary júrip jatyr.

Birneshe kún buryn Astanada avtobýs júrgizýshisi rólge ıe bola almaı, jol jıegindegi baǵanǵa soqtyǵysqany anyqtaldy. 

Jol apatynan bir zardap shegýshiniń jaǵdaıy aýyr ekeni, ota jasalatyny aıtyldy. Keıin zardap shekken 1 jolaýshynyń aıaǵyna ampýtatsııa jasalǵany belgili boldy. 

Aıta keteıik, Astanadaǵy avtobýs apatynan aıaǵynan aıyrylǵan qyz bala memlekettik járdemaqy alady.