Astanada taǵy 8 avtobýstyń marshrýty ózgerdi

ASTANA. KAZINFORM — City Transportation Systems kompanııasy elordada taǵy birneshe baǵyt aýysyp, qoǵamdyq kólik aınalyp júretinin eske saldy. 

«Jol jóndeý jumystary aıaqtalǵanǵa deıin № 18, 52, 54, 57, 121, 120, 24, 24N baǵdarlarynyń qozǵalys syzbasy ýaqytsha ózgerdi» dep habarlady kompanııadan.

Ózgergen qozǵalys syzbasymen myna siltemede tanysa alasyzdar.

«Saparlaryńyzdy aldyn ala josparlaýdy suraımyz» delingen habarlamada.

Sonymen qatar jol jóndeý jumystaryna baılanysty Qoshqarbaev dańǵyly boıymen Abylaı han dańǵylyna bara jatqan joldaǵy «№ 1 qalalyq aýrýhana» aıaldamasyna ótetin jol jabyq. 

Sondyqtan № 9, 11, 22, 22A, 28, 47, 48, 71 baǵdarlary atalǵan aıaldamada ýaqytsha jolaýshylardy otyrǵyzyp-túsirmeıdi.