Astanada taǵam jáne sán festıvali ashyldy
ASTANA. QazAqparat - «Araı» saıabaǵynda taǵam jáne sán festıvali ótti, bul shara osymen ekinshi jyl boıy elorda turǵyndary men qonaqtaryna jaqsy kóńil-kúı syılap keledi, dep habarlady Astana ákiminiń baspasóz qyzmeti.
Festıval birneshe aımaqtarǵa bólingen, bıylǵy jyly burynǵydan da aýqymdy boldy.
«Festıvaldiń «Astanalyq» aımaǵynda dastarqan máziriniń neshe túri bar, «Kókbazar» sektorynda otandyq óndirýshiler tabıǵı ónimderin usynady, «Jeruıyq» sektorynda strıtfýd salasyndaǵy qyzyqty startap-jobalardy kórýge bolady. Bul joba arqyly biz fastfýdtfyń strıtfýdtan ereksheligin kórsetkimiz keldi. Durys jáge sapaly ónimdermen tamaqtaný qajet. Munda sizder dámdi, paıdaly jáne tabıǵı ónimderdiń dámin ata alasyzdar. Sondaı-aq bul bizdiń otandyq óndirýshilerdiń shaǵyn jáne ortak bıznesin qoldaý», deıdi Astana food and fashion festival bas uıymdastyrýshysy jáne ıdeıalyq jigerlendiroýshisi Álııa Saparova.
Pop Up Shop Astana aımaǵynda qonaqtar dızaınerlik kıimder, áshekeıler, úıdiń ishki ıntererimen jáne kórkem galereıamen tanysa alady.
Saıabaq aýmaǵynda kelýshilerdiń janyna dóp keletin oıyn-saýyqty tamashalaı alady. Sport áýesqoılary úshin krossfıt-alańqaı ázirlengen. Astanalyq búldirshinder de jaqsy kóńil-kúıde bolmaq, olar úshin «Kınoteatr» sektorynda zaýanpaýı fılmder kórsetiledi, al «Chıllaýt» aımaǵynda jaıly otyryp, ystyq kofe iship, demalýǵa múmkindik bar.
Festıval erteń de, 28 tamyzda saǵat 12-den 20-ǵa deıin qonaqtardy qýantpaq.
