Astanada taekvondodan halyqaralyq Kazakhstan Open týrnıri ótedi

ASTANA. KAZINFORM — Halyqaralyq reıtıngtik týrnır Jaqsylyq Úshkempirov atyndaǵy jekpe-jek saraıynda 14-16 tamyz kúnderi bolady.

Dúnıejúzilik taekvondo federatsııasynyń (World Taekwondo) resmı kúntizbesine engen jarys úsh jas sanatyn qamtıdy. Onda jasóspirimder, jastar jáne eresekter synǵa túsedi. Oǵan 750-den astam sportshy qatysatynyn rastady.

Dúbirli dodaǵa Aýǵanstan, Armenııa, Kanada, Frantsııa, Úndistan, Iran, Qazaqstan, Kýveıt, Qyrǵyzstan, Oman, Lıýksembýrg, Marokko, Nepal, Pákistan, Palestına, Qytaı, Saýd Arabııasy, Túrkııa, Týnıs, Birikken Arab Ámirlikteri, AQSh jáne beıtarap mártebedegi (AIN) sportshylar keledi dep josparlanyp otyr.

Týrnır barysynda Olımpıada chempıondary men álemdik taekvondo juldyzdary baq synaıdy. Jarys jańartylǵan halyqaralyq erejelerge saı, KPNP K-2 júıesi arqyly ótkiziledi.

Atalǵan is-sharaǵa Dúnıejúzilik taekvondo federatsııasynyń prezıdenti doktor Chýngvon Cho, Azııa taekvondo odaǵynyń prezıdenti men World Taekwondo keńesiniń músheleri qatysady dep kútilýde. Jarystyń jalpy júlde qory — 15 808 000 teńge.

Eske salsaq, budan buryn HHHІІ jazǵy Dúnıejúzilik Ýnıversıadada Samırhon Ababakırov chempıon atandy.