Astanada taekvondodan el chempıonaty márege jetti
ORAL. QazAqparat - Astana qalasynda taekvondodan erler men áıelder arasynda el chempıonaty márege jetti, dep habarlaıdy «QazAqparat» tilshisi.
Qazaqstan taekvondo federatsııasynyń saıtynan alynǵan málimetke qaraǵanda, erler arasynda óz salmaq dárejeleri boıynsha Saparǵalı Ábdirashev (54 kg, Astana), Eldos Ysqaq (58 kg), Almas Muqamyrov (58 kg, ekeýi de Jambyl oblysynan), Erasyl Qaıyrbek (68 kg, Almaty qalasy), Qaırat Sarymsaqov (74 kg, Mańǵystaý), Raqym Ádilhan (80 kg, Almaty q.), Smaıyl Dúısebaı (87 kg, OQO), Rýslan Japarov (+87 kg, Jambyl) chempıon atandy.
Áıelder arasynda Anargúl Sabyr (46 kg, Pavlodar), Aınur Esbergenova (49 kg), Jazıra Saparbek (53 kg, ekeýi de Qyzylordadan), Marjan Tilepbergenova (57 kg), Gúlim Bıbalaeva (62 kg, ekeýi de Astanadan), Baný Mansurova (67 kg, Almaty q.), Merýert Kópbolsynova (77 kg, Astana) jáne Mereke Júnisova (+73 kg, Aqtóbe) jeńis tuǵyryna kóterildi.
Taekvondodan BQO quramasynyń aǵa jattyqtyrýshysy Arslan Ordabaevtyń aıtýynsha, atalmysh birinshilikke 200-deı sportshy qatysyp, baq synady.
Batys Qazaqstan oblysynan jalǵyz barǵan Áıgerim Qajymova 73 kg salmaqta fınalǵa deıin jetip, sońǵy básekede ǵana ese jiberdi.
Chempıonat qorytyndysyna sáıkes Azııa birinshiligi men Azııa oıyndarynda el namysyn qorǵaıtyn sportshylar belgili boldy. Áıgerim de Qazaqstan ulttyq quramasynyń qataryna endi.
