Astanada tabylǵan 5 jasar qyzdy ata-anasy úıine alyp ketýge asyǵar emes
ASTANA. QazAqparat - Astanada adasyp ketken 5 jastaǵy qyzdyń ata-anasy tabylǵanymen, olar balany Kámelettik jasqa tolmaǵandardy beıimdeý ortalyǵynan alyp ketýge asyǵar emes, dep habarlaıdy QazAqparat.
Astanadaǵy atalmysh Ortalyqqa telefon soqqan Agenttik tilshisine ondaǵy qyzmetkerler balany tanyǵan kórshileri habarlasqanyn aıtty.
«Bizge balanyń kórshileri habarlasty. Olarǵa qujattardy alyp kelý qajettigin aıttyq. Biraq, ata-anasy balany áli alyp ketken joq», - dedi Ortalyq qyzmetkerleri.
Aıta keteıik, búgin áleýmettik jelide elordanyń Kereı-Jánibek handar kósheleriniń boıynda 5 jastaǵy qyzdyń tabylǵany jáne onyń qalalyq Kámelettik jasqa tolmaǵandardy beıimdeý ortalyǵynda ekendigi jarııalanǵan bolatyn.
