Astanada «Tablıǵı Jamaǵat» ekstremıstik uıymynyń 4 múshesi ustaldy - QR UQK
ASTANA.QazAqparat - UQK Astana qalasy boıynsha departamenti QR QK 405-babymen qarastyrylǵan (qoǵamdyq nemese dinı birlestiktiń ne ózge de uıymnyń ekstremızmdi nemese terrorızmdi júzege asyrýyna baılanysty olardyń qyzmetine sottyń tyıym salý nemese taratý týraly sheshiminen keıin olardyń qyzmetin uıymdastyrý jáne oǵan qatysý) qylmys nyshany boıynsha sotqa deıingi óndiris sheńberinde Astana qalasynyń tórt turǵynyn ustady, dep habarlaıdy QR UQK baspasóz qyzmetinen.
Sotqa deıingi óndiristi ashýǵa ustalǵan tulǵalardyń Qazaqstan Respýblıkasynda tyıym salynǵan «Tablıǵı Jamaǵat» ekstremıstik uıymynyń áreketterine belsendi qatysýlary týraly málimetter negiz boldy.
Atalǵan tulǵalarǵa ulttyq qaýipsizdik organdary birneshe ret «Tablıǵı Jamaǵattyń» sot sheshimimen zańsyz dep tanylǵany jáne onyń is-áreketine qatysý qylmystyq jaýapkershilikke alyp keletindigi týraly resmı eskertpe jasaǵan.
Ustalǵandar Astana qalasy ІІD ýaqytsha ustaý ızolıatoryna qamaýǵa alyndy.
Jedel-tergeý is-sharalary jalǵasýda.
Osyǵan baılanysty UQK baspasóz qyzmeti «Tablıǵı jamaǵat» sheteldik uıymynyń 26.02.2013 jyly Astana qalasy Saryarqa aýdandyq soty sheshimimen ekstremıstik bolyp tanylǵandyǵy jáne onyń is-áreketine Qazaqstan Respýblıkasy aýmaǵynda tyıym salynǵandyǵy týraly eske salady.
