Astanada tabıǵı resýrstar basqarmasynyń ǵımaraty órtenip jatyr
ASTANA. Mamyrdyń 21-i. QazAqparat /Damır Baımanov/ - Astanada Drýjba kóshesi, 23/1 úıde ornalasqan tabıǵı resýrstar basqarmasynyń ǵımaraty órtenip jatyr.
QazAqparat tilshisine bul týraly Tótenshe jaǵdaılar mınıstrliginiń baspasóz hatshysy Eldor Raıymbekov habarlady.
Vedomstvonyń aqparaty boıynsha, bul órtke ekinshi sanat berilip otyr. Aldyn-ala málimet boıynsha, órtengen aýdan 1 myń sharshymetrdi shamalaıdy. Qazirgi tańda órt aýyzdyqtaldy. Qurban bolǵandar men zardap shekkender joq, deıdi qutqarýshylar.
Oqıǵa ornynda 11 órt sóndirý tehnıkasy jáne tótenshe jaǵdaılar departamenti jeke quramynyń 40 adamy jumys istep jatyr.
