Astanada tabıǵatty qorǵaý zańnamasyn buzý faktilerin anyqtaý maqsatynda «Brakoner» shuǵyl-aldyn alý is-sharasy ótýde
ASTANA. 3 qarasha. QazAqparat - Astanada tabıǵatty qorǵaý zańnamasyn buzý faktilerin anyqtaý maqsatynda 1-10 qarasha aralyǵynda «Brakoner» shuǵyl-aldyn alý is-sharasy ótýde. Іs-sharanyń alǵashqy kúnderinde quqyq qorǵaýshylardyń qolyna 6 adam tústi.
Astana qalalyq Іshki ister departamentinen málim etkendeı, «Brakoner» shuǵyl-aldyn alý is-sharasy zańsyz ań atý, aǵashty kesý jáne sý janýarlaryn aýlaýdyń aldyn alý jáne jolyn kesý, bıologııalyq resýrstar nysandary men ónimderiniń zańsyz aınalymyn anyqtaý, sondaı-aq, Astana qalasynyń aýmaǵynda ekologııalyq qylmystardy ashý maqsatynda ótkizilip otyr.
Іs-sharanyń alǵashqy kúnderi tabıǵatty qorǵaý zańnamasyn buzyp, qolǵa túsken 6 adamǵa qatysty polıtsııa qyzmetkerleri ákimshilik hattamalardy toltyrdy.
Atap aıtsaq, Almaty aýdanynyń ishki ister basqarmasy tabıǵatty qorǵaý bóliminiń shuǵyl áreket etý jasaǵy Kúıgenjar kentin aralaý barysynda Esil ózeninen balyqty aýmen aýlap jatqan M. esimdi azamatty ustady. Oǵan qatysty QR Ákimshilik quqyqbuzýshylyqtar týraly kodekstiń (ÁQK) 298-1 baby, 1-tarmaǵy boıynsha ákimshilik hattama toltyrylyp, 4 536 teńge kóleminde aıyppul salyndy.
Saryarqa aýdanynyń ishki ister basqarmasy tabıǵatty qorǵaý bóliminiń ınspektory Tilendıev dańǵyly boıyndaǵy orman alqabynda qoldan jasalǵan qaqpandardy ornalastyryp qoıǵan O. esimdi azamatty ustady. Quqyq buzýshyǵa qatysty QR ÁQK-niń 298-1 baby, 1-tarmaǵy boıynsha ákimshilik hattama toltyrylǵanymen, ol aýyzsha eskertýmen qutyldy.
Onymen birge, «Rýbej-Ertis» júıesiniń baqylaý beketinde J. esimdi azamat toqtatylyp, onyń memlekettik nómiri Z 377 SZM «GAZel» avtokóliginen jabaıy qazdardyń 3 eti tabyldy. Zańsyz ań aýlap, janýarlar álemin paıdalanǵany úshin ákimshilik jazany qarastyratyn QR ÁQK-niń 298-1 babynyń 1-tarmaǵy atalmysh azamatqa qatysty da qoldanylyp, oǵan eskertý jasaldy.
