Astanada syıymdylyǵy joǵary mektepter salyna bastaıdy
NUR-SULTAN. QazAqparat – Nur-Sultan shaǵyn mektepterden syıymdylyǵy joǵary mektepter salýǵa kóship jatyr. Bul týraly elorda ákimi Altaı Kólginov Instagram-daǵy paraqshasynda jazdy, dep habarlaıdy QazAqparat.
«Shaǵyn mektepterden góri syıymdylyǵy 1200-2000 myń oqýshyny qamtıtyn bilim nysandaryn salýǵa kóship jatyrmyz (eki aýysymda 4 myń orynǵa deıin). Bul sheshim mektepterimizge túsetin salmaqty azaıtýǵa múmkindik beredi», - dep jazdy ol.
Keshe qala basshysy T.Rysqulov jáne №36, E171 kósheleriniń qıylysynda salynyp jatqan oqý ornynyń qurylysymen tanysyp qaıtqan.
«Bul mektep nysanyn bıyl paıdalanýǵa berýdi josparlap otyrmyz. Osy jyly salynatyn mektep sany – 12. 2021 jyly taǵy osynsha bilim nysany salynady.
Mektep, balabaqsha, turǵyn úı jáne basqa da áleýmettik nysandardy salǵan kezde dızaın-kod erejelerin ustanamyz. Memleket basshysynyń tapsyrmasyna sáıkes stılıstıkalyq turǵyda biryńǵaı, jaıly ári qaýipsiz qalany qalyptastyratyn dızaın-kod bekitildi», – dep jazdy A.Kólginov.
