Astanada «Syrdarııa - Jyrdarııa» atty gala - kontsert ótedi
ASTANA. QazAqparat - 14 tamyz kúni Astanadaǵy «EKSPO-2017» halyqaralyq mamandandyrylǵan kórmesiniń amfıteatrynda qazaq estradasynyń juldyzdary men Syr óńiri ónerpazdarynyń qatysýymen «Syrdarııa - Jyrdarııa» atty óner sheberleriniń Gala - kontserti ótedi, dep habarlaıdy Qyzylorda oblysy ákimdiginiń baspasóz qyzmeti.
Kontsertte bı ansamblderi, jyrshy, termeshiler, qazaq estradasynyń juldyzdary - Mádına Sádýaqasova, Almas Kishkenbaev, Serik Ibragımov jáne t.b óner kórsetedi.
Gala-kontsert aıasynda halyqaralyq ǵarysh stantsııasyndaǵy 52-ekspedıtsııa ekıpajymen telekópir ótkizilip, ǵaryshkerler Fedor ıÝrchıhın men Sergeı Rıazanskıı Astana qalasynyń turǵyndary men qonaqtaryna ǵaryshtan sálem joldaıdy.
Dál osy kúni qyzylordalyq shahmatshy, oblys tarıhyndaǵy alǵashqy FIDE sheberi, birneshe dúrkin Qazaqstan chempıony, 2 dúrkin Álem chempıony Ásel Serikbaı 15 taqtada bir mezgildik seans ótkizedi. Seans 14 tamyz saǵ. 15.30-da Astana qalasynyń shahmat klýbynda (Asanqaıǵy kóshesi, 2) ótedi.
Esterińizge sala keteıik, Astanada «EKSPO-2017» halyqaralyq mamandandyrylǵan kórmesi aıasynda 10-14 tamyz kúnderi Qyzylorda oblysynyń mádenı kúnderi ótkizilýde.
Sharalar búgin «Astana EKSPO-2017» amfıteatrynda saǵat 20-00-de bastalady.
