Astanada sybaılas jemqorlyq qylmysy 1,5 esege artqan
ASTANA. QazAqparat - 2014 jyly birinshi jartyjyldyqta ótken jylǵy kórsetkishpen salystyrǵanda Astanada anyqtalǵan sybaılas jemqorlyq qylmysy 1,5 esege artyp otyr.
Bul týraly búgin Astana qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamentiniń Jemqorlyq isterdi ashý jáne aldyn alý 2-basqarmasynyń basshysy Aslan Ryspaev málim etti.
"Eseptik kezeńde departamenttiń jedel-tergeý jumysynyń nátıjeleri jalpy oń ózgeristi kórsetip otyr.
Qabyldanǵan is-sharalar nátıjesinde 84 sybaılas jemqorlyq qylmysy ashyldy, bul ótken jylǵy kórsetkishten 1,5 ese joǵary nemese 55-ten 84-ke deıin artqan", - dep atap ótti ol.
Aıaqtalǵan sybaılas jemqorlyq qylmystyq isterdiń úles salmaǵy óndiristegi isterdiń 82% (59) quraıdy. Bul rette 26,5% nemese 22 is ońaılatylǵan sotqa deıingi óndiris boıynsha aıaqtaldy.
Qylmystardyń jalpy zalal somasy 29,7 mln. teńge bolsa, ótelgen zalal somasy 3 mln. teńge, al múlikke salynǵan tyıym 13,3 mln. teńgeni qurady.
