Astanada sybaılas jemqorlyq boıynsha sot isteri kóbeıdi
ASTANA. 4 shilde. QazAqparat - Búginde elordada sybaılas jemqorlyq boıynsha sot isteri kóbeıip otyr. Bul týraly búgin Astana qalalyq sotynyń tóraǵasy Sáken Abdýllaev málim etti.
Onyń aıtýynsha, aǵymdaǵy jyldyń sońǵy alty aıynda sot organdaryna sybaılas jemqorlyq boıynsha 37 is tústi. Búginde onyń 30-y qaraldy. Ótken jyldyń atalǵan kezeńinde 17 is boldy. Sol kezde ol isterdiń 12-si qaralǵan bolatyn. «Demek, bıyl sybaılas jemqorlyq boıynsha sot isteriniń sany eki esege kóbeıip otyr», - deıdi S.Abdýllaev.
Jalpy, qazirgi kezde Astana qalasy sottarynyń qaraýynda 35 myń is bar. Onyń 20,2 myńy - azamattyq, 13,2 myńy - ákimshilik jáne 11,2 myńy - qylmystyq ister.
