Astanada Swissair ushaǵynyń shuǵyl qonýy deregin qaı el tergeıdi

ASTANA. KAZINFORM – QR Kólik vıtse-mınıstri Talǵat Lastaev Tokıodan Tsıýrıhke baǵyt alǵan áýe reısiniń elorda áýejaıyna shuǵyl qonýy jáne ushaqta jolaýshylardyń biriniń ınsýlt alýy oqıǵasyna qatysty túsinik berdi. 

Onyń aıtýynsha, osy reıspen saparlaǵan jolaýshylar basqa ushaqpen Shveıtsarıǵa jetkizilgen. Sonymen qatar elorda áýejaıynda turyp qalǵan Swissair ushaǵyna tekserilip, keri qaıtarylǵan.

«Bul oqıǵa boıynsha tekserýdi ushaq tirkeýde turǵan memleket – Shveıtsarııa jaǵy júzege asyrady. Onyń nátıjesin keıinnen jarııalaımyz», - dedi T. Lastaev elordada ótken baspasóz máslıhatynda. 

Sondaı-aq ol naýqas jolaýshy reanımatsııada jatqanyn naqtylady. 

Eske sala keteıik, 17 tamyzda elorda áýejaıynan barlyq reıs ýaqytsha toqtatylyp, áýejaı eki saǵatqa jabylǵan edi. Oǵan sebep 50 jastaǵy jolaýshy ınsýlt alǵan, sosyn áýe ekıpajy elorda áýejaıyna qonýǵa sheshim qabyldaǵan. 

Osydan keıin astanalyq dárigerler ushaqta ınsýlt alǵan Japonııa azamatynyń ómiri úshin kúresip jatqanyn jazǵan edik.