Astanada sý tapshy ma — mınıstr jaýaby

ASTANA. KAZINFORM — Elordanyń keıbir kópqabatty turǵyn úılerine sý berý máselesi kóterildi.

Úkimet otyrysynan keıin ótken baspasóz máslıhatynda BAQ ókilderi Sý resýrstary jáne ırrıgatsııa mınıstri Nurjan Nurjigitovke elordanyń keıbir aýdanynda kópqabatty turǵyn úılerde sý toqtap qalatynyn aıtyp, sý tapshy ma, degen saýaldy alǵa tartty.

— Astanada sý tapshylyǵy bolmaıtynyn anyq aıta alamyn. Sebebi elordany aýyzsýmen qamtamasyz etip otyrǵan «Astana sý qoımasy» kóktemgi tasqyn kezinde 100 paıyzdan asa toldy. Qazir sý belgilengen keste boıynsha berilip jatyr, — dep jaýap berdi Nurjan Nurjigitov Úkimet otyrysynan keıin ótken baspasóz máslıhatynda.

Sondaı-aq mınıstr elordada sý súzgi stansasynyń qurylysy jóninde aıtyp berdi.

— Súzgi stansasynyń qurylysyna qosymsha 4,1 mıllıard teńge bólindi. Bul jumys elorda halqyn bolashaqta aýyzsýmen tolyq kólemde qamtamasyz etý úshin istelip jatyr, — dep túsindirdi vedomstvo basshysy.

Búgin Úkimet otyrysynda sý salasy máseleleri qaraldy. Aıta ketsek, 2027 jylǵa deıin sý esepteý júıesin tolyq tsıfrlandyrý josparlanyp otyr. 

Belgili bolǵandaı elimizde ulttyq sý resýrstary aqparattyq júıesi ázirlenip jatyr. 

Úkimet basshysy Oljas Bektenov iske asyrylý merzimi sozylyp ketken taza aýyz sý jobalaryn atady.