Astanada sút, un jáne kondıter ónimderin óndirý kórsetkishi artyp keledi

Al óndiristik ónimder kóleminiń ındeksi 2012 jyldyń qańtar-jeltoqsan aılarynda 2011 jyldyń deńgeıimen salystyrǵanda - 100,1 paıyz boldy. Bul týraly Astana qalasynyń Statıstıka departamentinen habarlandy.

Departamenttiń málimetterine qaraǵanda, óńdeýshi ónerkásiptegi ónim óndirýdiń naqty kólemi 2011 jyldyń deńgeıimen salystyrǵanda 1,5 paıyzǵa ulǵaıyp, qazirgi baǵada 161,5 mlrd teńgeni quraǵan. Óndiris kóleminiń tómendeýi sýsyndar, kıim-keshek pen metall emes mıneraldy ónimder jáne metallýrgııadan basqa óńdeýshi ónerkásipte baıqalady.

Atap aıtqanda, 2011 jyldyń deńgeıimen salystyrǵanda nan óndirý 0,8 paıyzǵa, makaron - 9 paıyzǵa, irimshik pen súzbe - 12,3 paıyzǵa, jarma, un jáne un ónimderi, basqa da bıdaı daqyldary ónimderi - 13,9 paıyzǵa, shujyq ónimderi - 18,4 paıyzǵa azaıǵan. Sonymen qatar, sút óndirý 3,4 paıyzǵa, bıdaı jáne maıly daqyldardan un óndirý, sonyń ishinde usaq tartylǵan aralas ónimder - 3,7 paıyzǵa, torttar men kondıter ónimderi - 15,8 paıyzǵa artypty. Budan bólek, qurylys ındýstrııasy kásiporyndary taýar betondary óndirisi ósimin (2011 jylǵy deńgeımen salystyrǵanda 119,6 paıyz), tsementten nemese jasandy tastardan qurylys úshin qurastyrylatyn elementterdi (128,4 paıyz) qamtamasyz etti. Mashına qurastyrýda ónimderdiń naqty kóleminiń azaıýy aýyl sharýashylyǵy jáne orman sharýashylyǵy mashınalaryna qosalqy bólshekter (55,1 paıyz) men úlestirýshi qalqandar (70,4 paıyz) shyǵarýdyń azaıýymen túsindiriledi. «Elektrmen qamtý, gaz berý, bý jáne aýa baptaǵyshtar shyǵarý kólemi 2012 jyldyń qańtar-jeltoqsan aralyǵynda 26,9 mlrd teńgeni qurap, ónimniń naqty kólemi ındeksi 2012 jyldyń qańtar-jeltoqsan aılarynda 2011 jyldyń deńgeıimen salystyrǵanda - 97,8 paıyz boldy. Sýmen jabdyqtaý, káriz júıesi qyzmeti, qoqys qaldyqtaryn jınaý jáne tasyp shyǵarýdy baqylaý kólemi 2012 jyldyń qańtar-jeltoqsan aralyǵynda 2011 jyldyń deńgeıimen salystyrǵanda 1,9 paıyzǵa ósip, 8 mlrd teńgeni qurady», - delingen baspasóz habarlamasynda.