Astanada sý shúmeginen jasyl sý aǵýy múmkin: qaı mekemege habarlaý kerek
ASTANA. KAZINFORM — 4 sáýir kúni jylý jelilerininiń jaǵdaıyn tekserý úshin jasyl boıaý jiberiledi. Sondyqtan turǵyn úılerdegi sý shúmeginen jasyl sý aǵýy yqtımal. «Astana-Teplotranzıt» AQ osyǵan baılanysty qala halqyna málimdeme jasady.
Kompanııa málimetinshe, Natrıı flýorestseıni (Ýranın A) degen organıkalyq boıaǵysh qoldanylady. Nátıjesinde qubyrlarlardaǵy, sý ysytqyshtardaǵy jáne jylý jelilerindegi aqaýlar anyqtalyp, jóndeledi. Bul sýdyń bosqa aǵyp, ysyrap bolýynyń aldyn alady.
— Ýranın A adam aǵzasyna zııan emes jáne jylý júıesinde atalǵan maqsatta paıdalanýǵa ruqsat etilgen. Boıaǵysh qubyrlardaǵy sýdyń sapasyna zaqym keltirmeıdi. Biraq shúmektiń ystyq sý jaǵynan jasyl tústi sý aqsa, demek sý ysytqyshta aqaý bar ekenin bildiredi, — delingen «Astana-Teplotranzıt» AQ málimdemesinde.
Eger osyndaı jaıtqa kýá bolsańyz, ıaǵnı shúmekten jasyl tústi ystyq sý aqsa, jedel mamandarǵa habarlaý qajet.
· «iKomek 109» qyzmetine;
· «Astana-Teplotranzıt» AQ-nyń táýlik boıy qoljetimdi 77 12 00 nemese 77 12 11 nómirleri boıynsha jedel-dıspetcherlik qyzmetine;
· Jóndeý qyzmetiniń dıspetcherine (jumys kúnderi saǵat 08:00–den 12:00–ge deıin jáne 13:00–den 17:00–ge deıin) myna telefondar arqyly — 79 88 96 («Esil» / «Nura» aýdandary), 39 69 11 («Saryarqa» / «Baıqońyr» aýdandary), 77 12 92 («Almaty» / «Saraıshyq» aýdandary) habarlasýǵa bolady.
Aıta keteıik buǵan deıin «Astana-Teplotranzıt» jylý úshin tólemder qalaı qalyptasatynyn túsindirgenin jazǵanbyz.
