Cúrlengen et satamyn dep 31 adamdy aldaǵan kásipker sottaldy

Kásipker Instagram jáne WhatsApp arqyly jylqynyń súrlengen etin arzan baǵamen satý syltaýymen azamattardan aldyn ala tólem qabyldap, taýardy jetkizý jónindegi mindettemelerin áýel bastan oryndaýdy nıet etpegen.

Satyp alýshylardy aldaý maqsatynda ol buǵan deıin oryndalǵan tapsyrystar men oń pikirlerdi paıdalanǵan, al alynǵan aqshalaı qarajatty jeke qajettilikterine jumsaǵan.

Onyń qylmystyq áreketteri nátıjesinde 31 jábirlenýshige jalpy somasy 1,7 mln teńgeden astam materıaldyq zalal keltirilgen.

Sotta memlekettik aıyptaýshy sottalýshynyń kinásin tolyq dáleldedi.

– Sot úkimimen keltirilgen zalaldyń tolyq ótelgenin eskere otyryp, oǵan probatsııalyq baqylaý belgilenip, 2 jyl 8 aı merzimge bas bostandyǵyn shekteý jazasy taǵaıyndaldy. Úkim zańdy kúshine endi. Azamattardy áleýmettik jeliler men messendjerler arqyly satyp alý kezinde qyraǵy bolýǵa shaqyramyz. Tekserilmegen satýshylarǵa aldyn ala tólem retinde aqsha aýdarmaý qajet, – delingen prokýratýra habarlamasynda.

Aıta keteıik, buǵan deıin polıtsııa ınternettegi arzan taýarlar týraly usynystardan saq bolýǵa shaqyrǵan edi. Alaıaqtar satyp alýshylardy shekten tys tómen baǵamen qyzyqtyryp, taýar úshin aldyn ala tólem jasatady da, aqsha túskennen keıin baılanysyn úzedi.