Astanada sýretshiler Erkinbek pen Almagúl Esimovterdiń jeke kórmesi ashyldy

«Qylqalam ushyndaǵy kıe» dep atalatyn kórmege 48 jumys qoıylǵan. Erkinbek salǵan sýretter abstraktsııa, avangard jáne sıýrealızm stılderinde bolsa, Almagúldiń «Jolda», «Kezdesý», «Qaıyrly tań», «Týǵan jer», «Kóktem», «Kóktóbe» týyndylary etnosımvoldyq stılde salynǵan. Sýretterdiń kompozıtsııasynda grafıka men tańbalar arqyly ómirdiń nyshandary - balyqtyń, qustardyń beıneleri kórinis tapqan.

Sońǵy ret sýretshilerdiń kórmesi 2004 jyly Astanada, Qazirgi zaman óner murajaıynda ótken bolatyn. Sodan beri olardyń shyǵarmashylyq baǵyty ózgerip, jańasha kózqaras, jańasha stıl qalyptasty.

Búginde Esimovterdiń shyǵarmalary QR Parlamentinde, mınıstrlikter men sheteldegi elshilikterde qoıylǵan, sonymen qatar Reseı, Avstrııa, Germanııa, Japonııa elderinde tanymal.