Astanada sýretshi-zerger Serjan Bashırovtyń jeke kórmesi ashyldy
ASTANA. QazAqparat - Búgin Astanadaǵy Qazirgi zaman óner murajaıynda tanymal sýretshi-zerger, pedagog, Qazaqstan Sýretshiler odaǵynyń múshesi, "ıÝNESKO" Sapa belgisiniń" ıegeri Serjan Bashırovtyń "Báısheshek" atty jeke kórmesiniń vernısajy ótti.
"Serjan Muratuly qazirgi zamanǵy qazaqstandyq zergerlerdiń arasynda óziniń brendimen tanymal daryndy tulǵa. Onyń shyǵarmashylyǵy ulttyq sımvolıkaǵa qanyqqan, formalary ózgeshe, sondaı-aq kórkemdik talǵamy erekshe, etnoavangardtyq dızaın úlgilerine sáıkes keledi", - deıdi kórmeni uıymdastyrýshy, avtordyń týǵan ápkesi Gúlmıra Bashırova.
Kórmege sheberdiń qolynan 2000-2014 jyldar aralyǵynda shyqqan 100-ge jýyq zergerlik buıymdary, kishi formalardyń músinderi jáne ınstallıatsııalar qoıylǵan.
Kórme esigi óner súıer qaýymǵa 18 naýryzdan 7 sáýirge deıin ashyq.
