Astanada sýretshi Leıla Ahmet Osmannyń jeke kórmesi ashyldy
ASTANA. 15 aqpan. QazAqparat - Keshe Astanada Has Sanat óner galereıasynda belgili sýretshi Leıla Ahmet Osmannyń gobelen jáne grafıka janryndaǵy jumystarynyń kórmesi ashyldy.
Kórmede Astana jurshylyǵyna 15 sýret usynyldy. Bunyń aldynda olar alǵash ret Sıetlde (AQSh) uıymdastyrylǵan kórmede qoıylǵan bolatyn.
Shyǵarmashylyq jolynyń bastalǵanyna asa kóp ýaqyt ótpese de, qazaqstandyq sýretshiniń óneri shet elderge de tanymal. Taǵdyrdyń jazýy bolar, ol búginde amerıkanyń Sıetl qalasynda turady jáne arakidik týǵan jerge kelip otyrady. L. Osmannyń aıtýynsha, ol shyǵarmashylyq shabyt pen rýhanı baılyqty tek óz eli - Qazaqstanda ǵana ala alady. Onyń Otanyna, jerine degen saǵynysh sezimi jumystarynan baıqalady.
Avtordyń aıtýynsha, búginde elimizdiń jańa elordasyndaǵy mádenı damý úderisi kún ótken saıyn qarqyn alýda jáne adamdardyń ónerge degen qyzyǵýshylyǵy artyp keledi. Tek sońǵy jyldardyń ózinde Astanada L. Osmannyń birneshe kórmeleri ótkizildi. Sonymen qatar Parıj, Máskeý, Ystambul, Ankara, Іzmir, Seýl, Varshava, Gaaga, Brıýssel, Vena, Amsterdam, Vrotslav, Eındhoven qalalarynda jumystary qoıylǵan bolatyn.
