Astanada sýret sheberleriniń «Kúzgi Art-Salon» halyqaralyq kórmesi ashyldy

Onda Ispanııa, Gollandııa, Reseı, Avstrııa, Horvatııa, Qyrǵyzstan men Qazaqstannyń 22 sýretshi salǵan 70-ten astam maıly boıaý, akvarel men qolóner týyndylaryn tamashalaýǵa bolady. «Búgingi kórme elordanyń mádenı-rýhanı ómirindegi taǵy bir úlken oqıǵa deýge bolady. Bul jerde burynnan beri kórinbeı júrgen qazaqstandyq sýretshi Erbolat Tólepbaıdyń úzdik shyǵarmasyn kórýge bolady. Ózindik tehnıkasy men boıaý máneri bar keremet jumys. Sondaı-aq frantsýz ıAsın Týkan Vaıan men reseılik Konstantın Batynkovtyń týyndylaryn erekshe atap óter edim. Olardyń jumystary shynshyl ári abstraktsııalyq úlgide berilgen. Ásirese, Batynkovtyń úsh shyǵarmasy kóz jaýyn alady. Ol qara men aq boıaýdy sheber qoldana bildi. Bylaısha qaraǵanda, eki-aq tús, biraq onyń arǵy jaǵynda túrli-tústi álem jatqandaı bolyp kórinedi. Menińshe, bul kórme qala turǵyndaryna ǵana emes, jas sýretshilerge de oń áserin tıgizedi», - deıdi Qazaq ulttyq óner ýnıversıtetiniń professory, mádenıet qaıratkeri Ermek Asylhanov.