Astanada «sýperTsON» ashylady

ASTANA. QazAqparat – Elordada halyqqa qyzmet kórsetý aıasy keńeıtilgen «sýperTsON» ortalyǵy ashylady. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Halyqqa qyzmet kórsetý ortalyqtarynyń memlekettik qyzmet kórsetýiniń klıenttik tájirıbesi negizinde biz turǵyndardyń HQO-dan qyzmet alǵan soń BJZQ, kommýnaldyq kásiporyndar, ákimdik sııaqty basqa da ınstantsııalardyń tabaldyryǵyn tozdyratynyn túsindik. Sondyqtan azamattardyń barlyq máselesi bir jerde sheshilýi úshin osy uıymdardyń barlyǵyn bir ǵımaratqa shoǵyrlandyrǵymyz keledi», - dedi Baǵdat Mýsın mınıstrliktiń keńeıtilgen alqa otyrysynda.

Qazirgi ýaqytta mınıstrlik Astana ákimdigimen jáne Prezıdent Ákimshiligi basshylyǵymen azamattarǵa jaıly ári sapaly qyzmet kórsetý úshin birtutas keńistik, ıaǵnı sýperHQO ashýǵa ýaǵdalastyq júrgizgen.

Aıta keteıik, elordada Tsıfrlyq damý, ınnovatsııalar jáne aeroǵarysh ónerkásibi mınıstrliginiń keńeıtilgen alqa otyrysy ótti, onda mınıstrlik jetekshilik etetin baǵyttardaǵy jumystyń qorytyndylary men basymdyqtary talqylandy.