Astanada sulýlyq úshin qylmysqa barǵan boıjetkenge izdeý jarııalandy
ASTANA. QazAqparat - Astanada sulýlyq salonynan baǵasy qymbat protsedýrany jasatyp, aqshasyn tólemeı qashyp ketken alaıaq qyz izdestirilýde, dep habarlaıdy Astana qalasy ІІD-niń baspasóz qyzmeti.
Astana qalalyq polıtsııa departamenti óńir turǵyndarynan alaıaqtyq áreket jasaǵan kúdiktiniń aty-jónin anyqtaýǵa kómek kórsetýlerin suraıdy.
«Almaty» aýdananyń polıtsııa basqarmasyna sulýlyq salonynyń qyzmetkeri kelip shaǵymdandy. Onyń aıtýynsha, 9 qyrkúıek kúni ózin Botagóz dep tanystyrǵan belgisiz boıjetken Rysqulbekov kóshesindegi salondarynyń birinen shash ósirý protsedýrasyna tapsyrys bergen. Alaıaq 70 myń teńge turatyn qyzmet túrin paıdalanǵan soń, belgisiz baǵytta izin sýytqan», delingen habarlamada.
Qazirgi tańda polıtseıler kúdiktiniń aty-jónin anyqtaý úshin jáne ony ustaý boıynsha jedel izdestirý sharalaryn júrgizip jatyr. QR QK-niń 190-babyna sáıkes sotqa deıingi tergeý amaldary bastalyp ketti.
Astana polıtseıleri qyzmet kórsetý salalarynyń qyzmetkerlerin alaıaqtardyń quryǵyna túspeý úshin saq bolýdy eskertedi.
Sondaı-aq, polıtseıler qala turǵyndarynan «Almaty» aýdanynyń ІІB-ǵa kelip járdemdesýlerin nemese tómendegi nómirler boıynsha habarlasýlaryn suraıdy: 8 (7172) 71-67-90, 71-61-48 nemese 102.
