Astanada sulýlyq pen sán ındýstrııasynyń halyqaralyq kórmesi ótedi
ASTANA. 2 qarasha. QazAqparat - 7-10 qarashada elordada sulýlyq pen sán ındýstrııasynyń 7-shi halyqaralyq kórmesi ótedi. Bul týraly astana.kz saıtyna «Kórme» ortalyǵynyń baspasóz qyzmetinen habarlady.
Kórmege emdik jáne dekoratıvtik kosmetıka, tyrnaq estetıkasy, kásibı kosmetıkalyq jeliler, shash kútimine arnalǵan zattar, sulýlyq salondary men shashtarazdarǵa arnalǵan qondyrǵylar, quraldar men kerek-jaraqtar, kásibı preparattar men buıymdar, tıisti aksessýarlar, saýyqtyrý jáne ratsıonaldy tamaqtar (bıoaktıvti qospalar, dárýmender) qoıylyp, saýyqtyrý ortalyqtary, fıtnes pen sheıpıng klýbtarynyń qyzmetteri usynylady.
Uıymdastyrýshylardyń aıtýynsha, «Beauty World» tek kórmemen ǵana shektelmeıdi. Іs-shara aıasynda sulýlyq pen sán ındýstrııasynyń jetekshi mamandarynyń qatysýymen birqatar sheberlik synyptary, semınarlar men tusaýkeserler ótkiziledi.
Budan basqa, kórmede erler men áıelderdiń kúndelikti kıimi, shyǵarmashylyq kıim jıyntyǵy, balalarǵa arnalǵan kıim men aıaq kıim, sondaı-aq, aksessýarlar men tıisti taýarlar qoıylady.
Aıta keteıik, «Beauty World» kórmesi - bul beıneli oıyn-saýyq sharasy, iskerlik qarym-qatynas, sulýlyq pen sán ındýstrııasy mamandary kásibı tájirıbemen almasý, qarapaıym satýshylarmen, sán men sulýlyqqa, stılge múddeli adamdarmen kezdesý alańy bolyp tabylady.
