Astanada sýıtsıdtik lańkestik máseleleri talqylanýda
ASTANA. Qyrkúıektiń 23-i. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde «Qazirgi sýıtsıdtik terrorızm: sebepteri, úrdisteri men aldyn alý joldary» taqyrybynda Halyqaralyq ǵylymı semınar bastaldy, dep habarlaıdy QazAqparat.
Semınar jumysyna Reseı, Ispanııa, Marokko, Ázirbaıjan, Bolgarııa, Izraıl, Rýmynııa jáne elimizdiń belgili professor-ǵalymdary qatysýda. Úsh kúnge jalǵasatyn májilis barysynda lańkestiktiń psıhologııalyq alǵysharttary zardelenip, sýıtsıdtik terrorızmge áıel azamattardyń qatysý máselesi jan-jaqty talqyǵa salynady. Erteń, qyrkúıektiń 24-i kúni «Ortalyq Azııa men Reseıdegi sýıtsıdtik terrorızm» taqyryby qarastyrylsa, qyrkúıektiń 25-si kúni «Qazirgi qaýip-qaterlerge ulttyq jáne halyqaralyq deńgeıde tótep berý» taqyryby talqylanatyn bolady. Al, májilistiń sońǵy kúni, qyrkúıektiń 26-synda qorytyndy qujattar ázirlenip, arnaıy rezolıýtsııany qabyldaý josparlanyp otyr.
