Astanada sýǵa tarıfter ósedi
ASTANA. 11 shilde. QazAqparat - Astanada qyrkúıek aıynda sýǵa tarıfter 15-20 paıyzǵa ósedi.
Bul týraly «Astana sý arnasy» memlekettik kommýnaldyq kásipornynyń saıtynda habarlandy.
Sý tutynýdy esepteý qurylǵylary bar jáne adam basyna 3 tekshe metrge deıin ǵana sý paıdalanatyn elordalyqtar eń tómengi, ıaǵnı buryńǵy 34,91 teńgeniń ornyna tekshe metrine 30,36 teńge tarıfi boıynsha tólem júrgizetin bolady.
Al adam basyna shaqqanda sýdy 3 tekshe metrden kóp paıdalanatyn turǵyndar buryńǵydaı 36,43 teńge emes, tekshe metrine 41,9 teńge tarıfimen (15 paıyzǵa ósti) tólem júrgizedi.
Sý tutynýdy esepteý qurylǵylary joqtary qazirgideı 43,72 teńge emes, sýdyń árbir tekshe metri úshin 52,46 teńge tóleıtin bolady. Demek qyrkúıekten bastap ol 20 paıyzǵa ósedi degen sóz. Bul sýdyń eń joǵary tarıfi bolyp sanalady.
Káriz qyzmetiniń baǵalary jalpyǵa birdeı 24,21 teńgege deıin óspek. Qazir onyń tarıfi tekshe metrine 21,06 teńge. Jańadan ózgertiletin tarıfterdiń baǵalary kelesi jyldyń qyrkúıegine deıin ózgertilmeıdi. Keıin "Astana sý arnasy" sý tarıfterin kezekti ret joǵarylatýdy josparlaýda.
