Astanada sýǵa batyp kete jazdaǵan 22 adam qutqaryldy
ASTANA. QazAqparat - Sýǵa túsý maýsymy basynan beri Astana qalasy Tótenshe jaǵdaılar departamenti Sýda qutqarý qyzmetiniń qutqarýshylary 22 adamdy ajal aýyzynan alyp qaldy, dep habarlady departament baspasóz qyzmetinen.
Kúzetiletin jaǵajaılarda adam ólimi sırek bolady. Sol sebepti de qutqarýshylar osyndaı jerlerde ǵana demalýǵa keńes beredi. Sonymen qatar, sýǵa shomylýǵa kelgen adam qarapaıym qaǵıdalardy bilýi tıis.
«Eger de sizdiń kóz aldyńyzda adam sýǵa batyp bara jatsa, birden kómekke shaqyryńyz, aınaladaǵy adamdardyń arasynda jaqsy júzetinder bolýy múmkin. Sýǵa batyp bara jatqan adamǵa artynan kelý kerek, sebebi ol qutqarýshyny kórmegeni abzal. Qutqarýshyny sýǵa batyrmas úshin, onyń birden qoldaryn ustap alý qajet. Sodan soń ǵana beti sýdyń ústinde bolatyndaı etip, jaǵajaıǵa qaraı maltý kerek», - dep eskertedi Astana qalasy TJD-nyń baspasóz qyzmeti.
