Astanada sýǵa batyp bara jatqan áıel men ıti qutqaryldy
ASTANA. QazAqparat – Astanada Esil ózenine batyp bara jatqan áıel men ıti qutqaryldy, dep habarlaıdy QazAqparat qalalyq Tótenshe jaǵdaılar departamentine silteme jasap.
«31 qańtar kúni tańǵy saǵat 9.22-de elordalyq TJD Jedel-qutqarý jasaǵynyń qutqarýshylary Kenesary kóshesi aýdanynda Esil ózenine ıt sýǵa batyp bara jatqany týraly habarlamaǵa shyqty.
Belgili bolǵandaı, áıel ıtpen serýendep júrgen, kenet janýar ózen ústine júgirip shyǵyp, muz astyna túsip ketken», - delingen vedomstvo málimetinde.
Itin qutqarmaq bolyp umtylǵan áıeldiń áreketinen nátıje shyqpaı, ózi de sýǵa bata bastaǵan. Sol ýaqytta sol mańnan ótip bara jatqan er adam qutqarýshylar kelgenge deıin áıeldi sýdan alyp shyqqan.
«TJD bólimsheleri kelgen kezde ıt áli de sýda boldy. Qutqarýshylar dereý ıtti sýdan shyǵarýǵa kiristi. Baqytymyzǵa oraı, qutqarý operatsııasy sátti aıaqtaldy, ıt ıesine tapsyryldy.Áıel men úı janýarynyń jaǵdaıy jaqsy, olardyń ómirine esh qaýip joq», - dedi TJD-dan.
Foto: instagram.com/tjd_astana
