Astanada sý, jylý, jaryq tarıfi kóterilmeıdi
ASTANA. QazAqparat - Astanada sý, jylý, jaryq tarıfi kóterilmeıdi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Tabıǵı monopolııalardy retteý agenttigi tóraǵasynyń orynbasary Amanjol Alpysbaev málim etti.
«Departamentte úsh tabıǵı monopolısten Astana qalasy boıynsha ótinim túsken joq», - dedi ol BAQ ókilderiniń elordada tarıf baǵasy kóterile me, degen saýalyna oraı.
Jalpy, A.Alpysbaevtyń sózine qaraǵanda, aǵymdaǵy jyldyń basynan beri respýblıka boıynsha tarıfterdi kóterýge qatysty tabıǵı monopolııa sýbektilerinen 52 ótinim túsken. Onyń 7-eýi keri shaqyrylyp alynyp, 7-eýi qaıtarylǵan. Al 18-i qarastyrylyp jatsa, 20-sy bekitilgen.
«Olardyń basym bóligi «Aq bulaq» baǵdarlamasy aıasynda sýmen jabdyqtaý júıesi salynǵan aýyldyq eldi mekenderge qatysty»,- dedi ol.
