Astanada sý tasqynynyń aldyn alý úshin keshendi jospar júzege asyrylýda
ASTANA. QazAqparat - Kóktemniń kelýine oraı elordada sý tasqyny qaýpi týyndap otyr. Onyń aldyn alý úshin turaqty túrde qaýipti jerlerdiń monıtorıngi, kanalızatsııalardy tazartý, sonymen qatar, jaqyn mańdaǵy sý qoımalaryndaǵy sý deńgeıin qadaǵalaý jumystary júrgiziledi.
Bul týraly Astana ákimdiginiń baspasóz qyzmetinen habarlady.
Astana qalasy Kommýnaldyq sharýashylyq basqarmasy habarlaǵandaı, elorda aýmaǵynda sý basý qaýpi tónetin 32 jer telimi bar, olar boıynsha turaqty túrde zertteý jumysy atqarylady.
«Biz sý basý qaýpi tónip turǵan 32 potentsıaldy ýchaskeni belgiledik, olardyń 19 «Almaty» aýdanynda, sonyń ishinde «Ońtústik Shyǵys» (oń jáne sol jaqtary), Promyshlennyı, Qazqalashyq, Jeleznodorojnyı, Internatsıonalnyı turǵyn alaptary, JEO-2 aýdany, «Qazaqstan» dúkeni mańyndaǵy turǵyn sektory. «Esil» aýdany boıynsha sol tektes 6 ýchaske bar: Ilınkanyń shyǵys jaǵy, Úrker, Shubar, Qorǵaljyn tas joly, №62 kóshe, Sh. Beısekova kóshesi, Syǵanaq. Al «Saryarqa» aýdany boıynsha 7 ýchaske anyqtaldy: Óndiris, Kóktal-1, Kóktal-2, Kırpıchnyı, Agroqalashyq, JEO-1 mańy jáne salynyp jatqan JEO-1 mańy», - dedi Astana qalasy Kommýnaldyq sharýashylyq basqarmasynyń basshysy Pavel Kýlagın.
Qala aýmaǵynan ýaqtyly qar shyǵarý - bul sý tasqynyna qarsy basty sharalardyń biri. Jalpy qys maýsymy kezinde qala aýmaǵynda 2014 jyldyń 27 qazanynan bastap 2015 jyldyń 6 sáýirine deıin 3 427 620 m3 qar polıgonǵa shyǵaryldy.
Sý jınalatyn kanalızatsııalardyń durys jumysy úshin arnaıy jumys toby quryldy, olar kanalızatsııa kollektorlarynyń torlaryn, sý ótkizetin arnalardy, qubyrlar men aryqtardy tekseredi. Qazirgi ýaqytta Astana qalasy aýmaǵyndaǵy aryq júıeleriniń jalpy uzyndyǵy 40 155 p.m., sonyń ishinde:
Jańbyrqabyldaǵysh torlardyń jalpy jalpy sany 10 025 dana., sonyń ishinde:
«Keshendi josparda QR Aýyl sharýashylyǵy mınıstrliginiń «Kazvodhoz» respýblıkalyq memlekettik mekemesi atqaratyn jumystar, sonyń ishinde Astana gıdrotúıini boıynsha jumystar da qarastyrylǵan. Atalmysh kásiporyn Esil ózeni boıynsha gıdrologııalyq baqylaý júrgizedi. Túrli vedomstvalar arasyndaǵy baılanys ornatyldy», - dep atap ótti P. Kýlagın.
Sý tartatyn assenızatorlyq tehnıkanyń jalpy sany - 147. Kommýnaldyq sharýashylyq basqarmasy habarlaǵandaı, «Almaty» aýdany boıynsha 185 kóshe, 42 mektep pen 27 balabaqshanyń irgeles aýmaqtary tazalandy, barlyq 26 densaýlyq saqtaý nysandary boıynsha jumystar aıaqtaldy. «Esil» aýdany boıynsha 202 kóshe men 11 mektep jáne 25 balabaqshaǵa irgeles aýmaqtar tazalandy. «Saryarqa» aýdany boıynsha 270 kóshe men 31 mektep jáne 33 balabaqshanyń irgeles aýmaqtary tazalanyp, 18 densaýlyq saqtaý nysany boıynsha jumystar aıaqtalǵan.
Elordanyń ár aýdanynda sý tasqynyna qarsy júıeli jumystar júrgizilýde. «Saryarqa» aýdanynda Jolymbet kóshesi boıymen Ortalyq bazar aýmaǵyndaǵy magıstraldi kollektorine qaraı nóser kanalızatsııasy jelilerinde oıyqtar jasaldy. Naýryzdyń sońynda balshyqty bólikterdi tazalaý aıaqtalyp, Chehov kóshesi boıynda Jolymbet kóshesi aýmaǵynan keletin betki sýlardy tazalaý maqsatynda 48 metrge sozylatyn magıstraldi kollektor jatqyzyldy. Betki aǵyn sýlar tartyldy. Qajet bolǵan jaǵdaıda sý basqan bólikterdi tazartý úshin qosymsha «Astana Tazalyq» JShS sorǵy qurylǵysy paıdalanylatyn bolady.
«Askadı» JShS merdigerlik uıymyna Kóktal kenti aýmaǵyndaǵy №1 nóser kanalızatsııasy tazalyq qurylǵylaryndaǵy tasqyn sýlardy tazalaý tapsyryldy. Qazirgi tańda ýaqytsha sorǵy qurylǵysy ornatyldy, sorǵy stantsııasy shtatty rejımde jumys isteıdi, qorytyndylaýshy kollektor táýlik boıy terbeliste. «Tsentrstroıkomplekt» JShS merdigerlik uıymy Óndiris jáne Úshqońyr kósheleri qıylysyndaǵy tazalaýshy qurylǵylar boıynda sý burǵysh kanalyn tazalaý jumystaryn júrgizdi.
«Esil» aýdanynda Dospambet jyraý kóshesi boıynda 1600 metrge sozylǵan qorshaýly damba ornatylyp, merdigerlik uıymdar sorǵy qurylǵylaryn ornatatyn alańdar men olarǵa baratyn joldardy salý jumystary atqaryldy.
Tasqyn sýynyń kabeldi kanaldar boıyna ótýine jol bermeý úshin «Esil» aýdandyq ákimdigi kabeldi kanal qurylǵylaryna ınertti materıaldarmen septi. Qajet bolǵan jaǵdaıda nemese sý ótken jaǵdaıda atalǵan sharalar qaıta qoldanylatyn bolady. Sonymen qatar, salynǵan káriz júıeleri tekserilip, damba syrtyndaǵy baıqaý qudyqtary biteldi.
Kishi Taldykól kóli deńgeıiniń tómendeýine baılanysty Syǵanaq kóshesi boıyndaǵy qorshaý dambasynda táýligine 1600 m3 shyǵaratyn sorǵy qurylǵysyn ornatý josparlanýda. Qazirgi ýaqytta Kishi Taldykól kóli aýmaǵynda ornalasqan Syǵanaq kóshesi boıyndaǵy qorshaý dambasynda sebý jumystary jasaldy. Kishi Taldykól kólinen kúshtep sý tartýdy júzege asyrý úshin polıetılendi qysymdy qubyr satyp alyndy.
Beısekova kóshesi boıyndaǵy nóser kanalızatsııasy kollektoryn salý jumystary bastaldy, jumystyń aıaqtalýynyń baǵdarlaýshy jospary ústimizdegi jyldyń 20 sáýirine belgilengen.
«Zapadnyı» baǵbandyq qoǵamynyńjáne basqa da qoǵamdardyń sý astynda qalýynyń aldyn alý úshin dıametri 1000 mm bolatyn alty sý ótkizý qubyrlary bar Qarttar úıi aýmaǵyndaǵy, «Esil» aýdany jaǵynan úıilgen dambanyń sol jaǵyndaǵy jaǵa syzyǵy deńgeıin kóterý qajet. Jaǵalaý boıyndaǵy 100 metrlik qorshaý dambasyn úıý jumystary atqaryldy.
«Ótkizilgen jáne ótkiziletin barlyq sharalar kesheni tótenshe jaǵdaılar týyndaýyn, jergilikti bólimder men qala aýmaǵynyń sý astynda qalýynyń aldyn alady, sonymen qatar, kóktem maýsymyndaǵy erigen jáne taqyn sýlardy uıymdasqan túrde ótkizýge múmkindik beredi», - dedi Pavel Kýlagın.
