Astanada sý tasqynynyń aldyn alý sharalary kúsheıtildi
ASTANA. 20 aqpan. QazAqparat - Búgingi kúni barlyq kúsh Astanadaǵy sý tasqynyna qarsy is-sharalar josparyn júzege asyrýǵa jumyldyrylýda, dep habarlaıdy astana.kz saıty qala ákimi apparatynyń ómir tirshiligin qamtamasyz etý jáne ınfraqurylymdy damytý bólimine silteme jasap.
«Statıstıka málimetteri boıynsha, qys bastalǵaly (ótken jyldyń qarasha aıynan beri) elordanyń Almaty, Saryarqa, Esil aýdandarynan qar polıgonyna úsh mıllıon tekshe metri jýyq qar tasylyp shyǵaryldy. Onyń jarty mıllıon tekshe metri kóktemgi sý tasqynynyń aldyn alý is-sharalary jospary aıasynda tazalanǵan.
Eger merdigerlik uıymdardyń jumysymen jaqynyraq tanysatyn bolsaq, Almaty aýdanynda 272 kósheniń 187-si qar men muzdan tazalanǵan. «Jeleznodorojnyı», «Promyshlennyı», «Dostyq», «Internatsıonalnyı», «Mıchýrıno», «Kúıgenjar», sondaı-aq, «Ońtústik shyǵys» turǵyn úı alaptarynda barlyq kóshelerdegi qar tolyq shyǵaryldy. Bıylǵy jyly qar ótken jylǵa qaraǵanda 3,2 kóp túskendigin atap aıtqan jón. Ótken aptada «051 qyzmetine» kelip túsken ótinimderdiń 97 paıyzy qaraldy.
Saryarqa aýdanynda da 32 orta mektep pen 32 balabaqshanyń 28-iniń aýmaǵy qardan tazartylǵan. Sonymen qatar, Kenesary k-si, 188, Seıfýllın, Beıbitshilik, Birjan sal, Qarasaı batyr kósheleri men Jeńis, Saryarqa, Bógenbaı batyr dańǵyldary, sondaı-aq «Kóktal», «Óndiris» turǵyn úı alaptary kóshelerindegi qar da qolmen kúrelip, mehanıkalyq kúshpen tasyp shyǵaryldy. 27 276 metr aryq arnasynyń 11 myń metrge jýyǵy arshyldy.
Esil aýdany boıynsha da «Shubar» turǵyn úı alabyndaǵy barlyq (aqpan aıynyń basynan - 53 717 tekshe metr qar) kósheler qardan tazartyldy. «Zarechnyı», «Telman», «Prıgorodnyı» kentteriniń kóptegen kósheleri men «Qaraótkel», «Komsomolskıı», «Shyǵys Ilınka», «Úrker» «Gazmashapparatýra jáne basqa turǵyn úı alaptary men jeke sektorlar qar men muzdan tazalandy.
