Astanada sý tasqynynan zardap shekken balalarǵa kómek uıymdastyryldy
ASTANA. QazAqparat - QR Balalar quqyqtary jónindegi ýákil - Zaǵıpa Balıevanyń bastamasy boıynsha, Qaraǵandy jáne Aqmola oblystaryna gýmanıtarlyq kómek retinde eki júk kóligi jetkizildi, dep habarlaıdy QazAqparat.
Balalar ombýdsmeniniń baspasóz qyzmetiniń habarlaýynsha, júk salynǵan kólikterde jyly kıimder, aıaq kıimder, jeke gıgıena zattary, jaıylmaly tósek, jamylǵylar, jastyqtar men ózge de kóptegen balalarǵa qajetti dúnıeler bar. Aqtóbe oblysynda sýdan zardap shekkenderge kómektesip jatqan balalar uıymdarynyń esebine qarjy jiberildi. Zaǵıpa Balıevanyń bastamasyn Májilis depýtattary, «Asyl bala» respýblıkalyq qaýymdastyǵynyń ókilderi de qoldady. Kásipker áıel azamattar men tanymal qoǵam qaıratkerleri qajeti taýarlardy ózderi satyp alyp, olardy kólikterge tıedi.
«Biz balalar osyndaı qıyn jaǵdaıda otyrǵanda qam-qareketsiz otyra almaımyz. Qaraǵandy, Aqmola oblystarynda 200 bala qıyn jaǵdaıda qaldy. Olarǵa qajetti sharttardy qalyptastyrý kerek»,-dedi Zaǵıpa Balıeva.
Zardap shekkenderge joldanǵan qarjynyń jalpy kólemi 13 mln teńgeni qurady. «Asyl bala» uıymynyń óńirlerdegi ókildikteri balalarǵa jan-jaqty kómek kórsetý isine qoldaý kórsetýde.
