Astanada sý tasqynyna qarsy sharalar ótkizilip jatyr

Kún raıynyń kúrt jylynýyna baılanysty Esil men Nura ózenderinde sý deńgeıi kóterildi. 15 sáýirdegi jaǵdaı boıynsha Astana sý qoımasyndaǵy sýdyń naqty kólemi 393,16 mln.m³ qurady (krıtıkalyq deńgeıi - 410 mln m3). Sońǵy táýlikterdegi tómendeý deńgeıi 49 mln.m3.

Astana qalasynyń qorǵanys bógetiniń sý kólemi búgingi tańda 23 mln. m3 qurady (maksımaldy jobalyq syıymdylyǵy - 450 mln).

Astana qalasy TJD turǵyndar arasynda BAQ ókilderin tartý arqyly túsindirme jumystaryn ótkizýde. Eskertpe qaǵazdaryn taratý arqyly aýlalardy aralaý sharasy ótkizildi.

Sý tasqyny jaǵdaıyna arnaıy kúshter qurylymy men qajetti materıaldar daıarlandy: barlyǵy jeke quramnyń 1096 qyzmetkeri, 612 dana tehnıka (sonyń ishinde: Astana qalasy TJD 120 adam, 15 dana tehnıka, 2 júzý quraly, «Astana Tazalyq» JShS 547 adam, 439 tehnıka, «Astana Zelenstroı» AQ 395 adam, 97 tehnıka, al «Astana sý Arnasy» MKK 98 adam men 69 tehnıka jumyldyryldy).

Ilınka aýylyndaǵy sý tasqyny jaǵdaıy baqylanýda. Jyl basynan beri kelesidegideı jumystar atqaryldy: 3 434 665m3 qar shyǵaryldy, 198 115m3 erigen qar sýy soryldy, 6 690 m3 ınertti materıaldar daıyndaldy, 218 nysan qardan tazartyldy (aýlalary men shatyrlary), aryq-kanal júıelerinen 58 316 p/m sý soryldy.

Sý tasqyny bar aımaqtarda sýdy sorý úshin 3 nasos-traktorleri, 4 aýystyrmaly nasostar qoldanyldy jáne turǵyndarǵa eskertpe qaǵazdary taratyldy.

Nura ózeni boıynsha. Romanovka aýmaǵynda Nura ózenindegi sý deńgeıi 3,2 m (belgilengen mólsheri - 5m) quraıdy. Qosshy aýylyndaǵy Prıobrajensk gıdrotúıinindegi sý deńgeıi 80 sm (belgilengen mólsheri - 7m).

Táýlik boıy ózenderdegi sý deńgeıiniń monıtorıngi júrgizilýde, evakýtsııalyq jattyǵýlar pysyqtaldy, turǵyn alaptarda meılinshe kóp ınjenerlik tehnıka shoǵyrlanýda, qorǵanys dambalary ornatylýda.

Qaýipti jaǵdaıdy aldyn alý úshin qalanyń kommýnaldyq qyzmetteriniń, sharýashylyq organdarynyń baqylaý shepterinde táýlik boıy baqylaý júrgiziledi.