Astanada sý tasqynyna qarsy is-sharalar júrgizilýde
ASTANA. QazAqparat - Qalalyq Tótenshe jaǵdaılar departamentiniń qyzmetkerleri sý tasqyny qaýpi bar oryndardy aralap shyqty, dep habarlaıdy elordanyń resmı saıty.
«Búgingi tańda tasqyn sýlardy ótkizý jónindegi keshendi jospar ázirlendi, oǵan sáıkes qaýipti aýmaqtarda tekserý jumystary júrgizilýde», delingen habarlamada.
«Basty mindetimiz - jeke turǵyn úı sektoryndaǵy qardy shyǵarý, sondaı-aq, aýlaishilik aýmaqty tazalaý. Jáne de erigen qar sýlaryn ótkizý jáne joldar men turǵyn úılerdi sý baspaýy úshin káriz qaqpaqtaryn, nóser júıesiniń jaqtaýlaryn muzdan tazartý kerek», deıdi Astana qalalyq TJD-nyń basshysy Barat Duzaqbaev.
Shara barysynda «Saryarqa» aýdanynda Dýlatov kóshesi, Almaty aýdanynda Qaraǵandy kóshesi tekserildi. TJD qyzmetkerleri jeke turǵyn úı sektoryndaǵy óz aýmaǵyndaǵy qardy shyǵarmaıtyn turǵyn úılerdi aralady. Osyndaı qojaıyndardyń kesirinen jyl saıyn turǵyn úılerdiń jaǵdaıy nasharlaıdy. 2015 jyly 241 úıdi sý basqan, sonyń ishinde 70 úı baq sharýashylyǵy qoǵamynda ornalasqan.
Búginde kommýnaldyq qyzmetter qala aýmaǵynan 2,1 mln tonna qar shyǵarǵan. Jeke turǵyn úıler men aýla aýmaqtaryndaǵy qar arnaıy oryndarǵa jetkiziledi. Búginde elordalyq aýmaqtyq shaǵyn júıeniń azamattyq qorǵaý qyzmetteriniń bekitilgen tizimi tótenshe sý tasqyny jaǵdaılaryn joıý jónindegi 21 qyzmetten, 238 adam men 568 tehnıkadan turady, sonyń ishinde jedel áreket etý qyzmetinde 125 adamnan qurylǵan otrıad pen 48 arnaıy tehnıka bar.
