Astanada sý tasqynyna qarsy is-sharalar qolǵa alyndy
ASTANA. QazAqparat - Astananyń barlyq aýdan ákimdikteri óz aýmaqtary boıynsha sý tasqynyna qarsy is-sharalar ótkizedi. Іs-sharaǵa qalalyq basqarmalar, kommýnaldyq qyzmetter, birqatar kásiporyndar men uıymdar qatysady, dep habarlady astana.kz.
Aýdan ákimdikteri aýmaqty tazalaý jumystarynyń kestesin jasady. Sý tasqynyna qarsy is-sharalar ótkizý aıasynda «Esil» aýdanynda 55 tehnıka, «Saryarqa» aýdanynda 50 arnaıy tehnıka jáne «Almaty» aýdanynda 24 tehnıka tartylady.
Sý tasqynyna qarsy is-sharalar bastalǵannan beri qalanyń barlyq aýdandarynan 60 myńnan astam tekshe metr qar shyǵaryldy. Budan bólek, merdigerlik uıymdar apta saıyn kópqabatty úılerdiń aýlalarynda oramishilik qar tazalaý jumystaryn júrgizedi. Aýdan ákimdikteri turǵyn úıler, bilim berý jáne medıtsınalyq mekemelerdiń aýmaqtaryndaǵy, sondaı-aq, kóshelerdegi qardy tazalaıdy. Ázirlengen jumys kestesi boıynsha qar tazalaý jumystary naýryz aıyna deıin jalǵasady.
