Astanada sý tasqynyna qarsy is-sharalar boıynsha komıssııa quryldy
ASTANA. QazAqparat - Elordada qańtarda bastalǵan sý tasqynyna qarsy is-sharalar kóktemniń alǵashqy aıy kelisimen kúsheıe tústi, dep habarlady astana.gov.kz.
Astana qalasy Kommýnaldyq sharýashylyq basqarmasynyń habarlaýynsha, aýdan ákimdikterimen birlese júrgizilgen jumystardyń nátıjesinde, qalada 23 sý basýy yqtımal aýmaqtar anyqtaldy, olar boıynsha qosymsha tekserý júrgizilýde. Sý basý qaýpi «Almaty» aýdanynda asa joǵary, onda 13 aýmaq anyqtalǵan: Ońtústik-Shyǵys shaǵyn aýdany, Qazgorodok, eski bazar jáne JEO-2 aýmaǵy, Promyshlennyı, Jeleznodorojnyı, Internatsıonalnyı turǵyn alaptary, «Qazaqstan» dúkeni aýmaǵyndaǵy jeke sektor jáne t.b. Qalada qar tazalaý jumystary eki aýysymmen júrgiziledi. Aıta keteıik, naýryz aıynda bılik sý tasqynynyń aldyn alý sharalaryn kúsheıtedi, sonyń ishinde, nóserli kollektorlardy, sý júrgizý kanaldaryn, qubyrlar men aryqtardy tazalaýǵa, jyljymaly sý sorǵyshtar men gıdrotehnıkalyq qurylystardy daıyndaýǵa baılanysty jumystar qolǵa alynady. - Naýryzdyń ekinshi onkúndiginde Esil ózeniniń arnasy men salalaryndaǵy muz jaǵdaıyn, qar jamylǵysynyń qalyńdyǵyn jáne basqa da erigen sýlardyń aǵýyna kedergi keltiretin jaǵdaılardy zertteý úshin tekserý josparlanǵan, - deıdi Astana qalasy Kommýnaldyq sharýashylyq basqarmasynyń qyzmetkeri Jasulan Baıjanov. Atalǵan sharalar «Qazgıdromet» RMK, Esil basseındik ınspektsııasy, salalyq vedomstvolarmen birigip júzege asyrylady. Sonymen qatar, gıdrologııalyq baqylaý beketterinde Esil ózeniniń arnasyndaǵy sý tasqyny jaǵdaıynyń damýyn qadaǵalaý maqsatynda táýlik boıy kezekshilik uıymdastyrylady. 2014 jylǵy 27 qazannan bastap, qysqy kezeńde polıgonǵa 2 828 387 tekshe metrden astam qar shyǵaryldy. Sonymen qatar, 2015 jyly Astana qalasynyń aýmaǵynda kóktemgi tasqyn sýyn júrgizýge daıyndyq boıynsha is-sharalar josparynyń negizinde «Astana Tazalyq» JShS sý tasqynyna qarsy is-sharalar boıynsha 3 aýdanda komıssııa quryp, táýlik boıy kezekshilik etýdi uıymdastyrý úshin oryn bóldi. Tótenshe jaǵdaılar kezinde habarlandyrý syzbalary jasaldy. Sý tasqynyna qarsy komıssııa turǵyndardyń suraqtaryn qabyldaýǵa arnalǵan baılanys quraldarymen qamtamasyz etilgen: - Almaty aýdany: 484337, 8-771-996-35-69 - Esil aýdany: 484326, 8-771-996-35-72 - Saryarqa aýdany: 484392, 8-771-996-35-73 - TJ úshin nomer: 49-67-90 - ortalyq dıspetcherliktiń telefondary: 54-58-19, 38-57-09
