Astanada sý tasqynyna qarsy is-sharalar aıasynda dıspetcherlik qyzmetter jumys jasaıdy
ASTANA. QazAqparat - Astanada qar erı bastaǵanda shuǵyl jaǵdaılar oryn alsa, sý tasqynyna qarsy is-sharalar jónindegi arnaıy komıssııaǵa júginýge bolady. Jańadan qurylǵan komıssııa jurtshylyqtyń talap-tilegi boıynsha qyzmet kórsetedi, dep habarlanǵan elorda ákimdiginiń resmı saıtynda.
«Bıyl kóktemde erigen qar sýlaryn ótkizýge daıyndyq jónindegi is-sharalar josparyna sáıkes Astana qalasynyń aýmaǵynda 3 aýdan boıynsha «Astana Tazalyq» JShS sý tasqynyna qarsy is-sharalar jónindegi komıssııa quryp, táýlik boıy kezekshilik júrgizý úshin orynjaı bóldi», - deıdi «Astana Tazalyq» JShS qyzmetkerleri.
Budan basqa, shuǵyl jaǵdaı oryn ala qalǵan jaǵdaıda dabyl júıesi qosylady. Elorda turǵyndary sý tasqynyna qarsy komıssııaǵa myna telefondar boıynsha habarlasa alady: Almaty aýdanynda 48-43-37, Esil aýdanynda 48-43-26, Saryarqa aýdanynda 48-43-92. Al tótenshe jaǵdaılar kezinde 49-99-08 telefonyna qońyraý shalýlaryna bolady. Sondaı-aq ortalyq dıspetcherliktiń telefondary mynadaı: 54-58-19, 38-57-09.
Aıta keteıik, sý tasqynyna qarsy is-sharalarǵa tartylǵan brıgadırlerge 2014 jyldyń 1 qańtarynan bastap halyqpen jumys isteý maqsatynda Almaty aýdanynda (77-99-73), Esil aýdanynda (77-99-71), Saryarqa aýdanynda (77-99-74) arnaıy nómirler berilgen bolatyn.
