Astanada sý tasqynyna qarsy jumys júrip jatyr

ASTANA. KAZINFORM — Astana qalasynyń ákimi Jeńis Qasymbek Instagram paraqshasynda sý tasqynyna qarsy jumys qalaı júrip jatqany týraly jazdy, dep habarlaıdy elorda ákimdiginiń resmı saıty.

- Qalada sý tasqynyna qarsy belsendi jumysty jalǵastyramyz. Kommýnaldyq qyzmetter 4,5 mln tekshe metrden astam qar shyǵardy.

Qazirgi ýaqytta jyl basynan beri aryq-naýa jelisiniń 11,5 myń pogondy metri tazartyldy, 8 640 pogondy metr kollektorlar, 428 baqylaý jáne jańbyr qabyldaý qudyǵy jýyldy, stantsııalardaǵy birneshe sorǵy jabdyǵy aýystyryldy jáne t.b, - dep jazdy Jeńis Qasymbek.

Sol sııaqty Esil ózeniniń arnasyna rekonstrýktsııalaý (sý retteıtin bóget, 5-kezek) júrgizildi; nóserli káriz júıelerine zańsyz qosylýdy anyqtaý boıynsha jumys júrgizilip jatyr, jeke turǵyn úı sektorlarynda reıdter júrgizilýde jáne t.b.

- Atalǵan jumystyń bári júrip jatyr. Azamattyq qorǵaý organdary, kommýnaldyq qyzmetter jáne t.b. turaqty daıyndyqta. Eldi mekender men sý tasqyny qaýpi bar ýchaskelerge, sý ótkizý qurylystaryn tazartýǵa, nóserli káriz júıelerin salýǵa erekshe nazar aýdarylady, - dep tolyqtyrǵan qalabasy.

Aıta keteıik, Astanada jańa aýdannyń kirister basqarmasy quryldy.