Astanada sý tasqyny kezeńine daıyndyq bastaldy
ASTANA. KAZINFORM – Elordada sý tasqyny kezeńine daıyndyq boıynsha belsendi jumys júrgizilip jatyr. Máselen, Saryarqa aýdanynyń turǵyndaryna sý tasqyny týraly aqparat berildi.
Astana ákimdigi baspasóz qyzmetiniń málimetinshe, jumysty aýdan ákimdigi men tótenshe jaǵdaılar departamenti uıymdastyrǵan. Іs-sharaǵa eriktiler de qatysty.
«Turǵyndar arasynda biz úı mańyndaǵy aýmaqty qardan ýaqytyly tazartý, muzdan jáne qoqystan tazartý, qajet bolǵan jaǵdaıda aǵyndy sýlarǵa jańa sý burǵyshtar jasaý qajettigi týraly túsindirme paraqshalar taratamyz. Sondaı-aq sý tasqyny bolsa, paraqshalarda usynystar kórsetilgen», – dedi Saryarqa aýdany ákiminiń Agroqalashyq eldi mekeni boıynsha bas ınspektory Nurjan Sársenbaev.
Tótenshe jaǵdaılar departamenti qar erigen kezde sý tasqyny birinshi kezekte jeke úılerge qaýip tóndiretinin atap ótti. Sondyqtan olardyń turǵyndaryna mańyzdy qujattardy aldyn ala jınap, jertólelerden azyq-túlik alyp, baǵaly zattardy joǵarǵy qabattarǵa nemese shatyrǵa kóshirý usynylady.
