Astanada sý qubyrynyń jarylýynan kópqabatty úılerdiń turǵyndary birneshe saǵat sýsyz otyrdy - TJM
ASTANA. Aqpannyń 2-si. QazAqparat - Astana qalasynda sý qubyrynyń jarylýy saldarynan kópqabatty birneshe turǵyn úı sýsyz qaldy,
dep habarlady búgin QR TJM-nyń baspasóz qyzmetinen.
Vedomstvonyń málimetine sáıkes keshe, aqpannyń 1-i kúni saǵat 14.00-de Almaty aýdanynda sý qubyrynyń 250 mıllımetr kóleminde jarylýy bolǵan. Sonyń saldarynan 2-shi shaǵynaýdandaǵy bes úı jáne Kúıshi Dına kóshesindegi bir úı sýsyz qaldy.
Búgin aqpannyń 2-si kúni saǵat 06.00-de jóndeý-qalpyna keltirý jumystary tolyǵymen aıaqtaldy jáne sý júıeleri qaıta iske qosyldy. Tótenshe jaǵdaıdy joıýmen «Astana sý arnasy» MKK-nyń apattyq brıgadasy aınalysty.
