Astanada sý qubyry jelilerin baqylaýdyń ınnovatsııalyq tehnologııalary engizilýde
ASTANA. 28 shilde. QazAqparat - Aǵymdaǵy jyly elordada magıstraldik jelilerden sýdyń syrtqa aǵýyn anyqtaý jónindegi baqylaý núktelerin jasaý ilki jobasy qolǵa alyndy,
dep habarlady «Astana Innovations» kompanııasynyń baspasóz qyzmetinen pm.kz saıtyna.
«Aǵymdaǵy jyly qalalyq sý toǵanynan sorǵy súzgi stansasyna deıingi magıstraldyq jelilerdegi sýdyń syrtqy aǵatyn jerlerin anyqtaý jónindegi baqylaý núktelerin qurý jobasy iske asyryla bastady», - delingen habarlamada.
Bul joba resýrs únemdeý rejımin saqtaýǵa, sý qubyry jelilerindegi apatty jaǵdaılardy azaıtýǵa jáne sýmen jabdyqtaý júıesiniń senimdiligin qamtamasyz etýge baǵyttalyp otyr.
Aqparatta atap kórsetilgendeı, ár baqylaý núktesi qysym ólsheýshi aspappen, dabyl túrlendirýshi quralǵymen, qorǵanys avtomatıkasy bar elektr blogymen, qosylýǵa arnalǵan tolymdaýshymen jáne retranslıatormen jaraqtalatyn bolady.
ıAǵnı, belgili bir ýchaskedegi sý qysymynyń ózgergeni týraly málimet túskennen keıin jyljymaly loggerler dybys deńgeıindegi ózgeristi tirkeıdi. Osy shara sý aǵyp jatqan jerdi dál anyqtaýǵa múmkindik beredi. Aqparat avtomatty túrde GSM/GPRS júıesi nemese radıoarna arqyly dıspetcherlik pýnkttegi kompıýterge beriledi.
Qazirgi tańda osynaý ilki joba iske asyrylatyn magıstraldyq ýchaske anyqtalyp, ol jerge arnaıy jabdyqtar ornatyldy.
Іlki joba aıaqtalǵannan keıin sý qubyry jelisi men sorǵy stansalarynyń jekelegen aýmaqtarynyń jaǵdaıy týraly aqparattar alynady, al bul aqparattar óz kezeginde usynylyp otyrǵan baqylaý tehnologııasyn barlyq ýchaskege engizýge negiz bolady.
Jobany keń kólemde iske asyrý sýdyń eriksiz shyǵynyn 21 paıyzdan 8 paıyzǵa deıin qysqartýǵa múmkindik beredi jáne resýrs únemdeýge, sýmen jabdyqtaýdyń ekonomıkalyq tıimdiligine oń áserin tıgizedi dep josparlanýda.
