Astanada sý qubyry jarylyp, birqatar úılerge sý berý toqtatyldy
ASTANA. 8 qańtar. QazAqparat - Astanada Seıfýllın jáne Sabyr Rahymuly kósheleriniń qıylysynda sý qubyrynyń buzylýyna baılanysty Toraıǵyrov pen Omarov kóshelerinde ornalasqan úılerge sý berý toqtatyldy.
Bul týraly astana.kz saıtyna «Astana sý arnasy» MKK baspasóz qyzmetinen habarlady.
«Apatty joıý úshin apattyq ýchaskeni sýdan ajyratýǵa baılanysty, kelesi mekenjaılarda sýmen jabdyqtaý júıesi ýaqytsha toqtatylady: Toraıǵyrov kóshesi, № 2 úı, «Zamechatelnyı» TK, Omarov kóshesi 111, Seıfýllın kóshesi, 47, Seıfýllın kóshesi, 37, Seıfýllın kóshesi, 42», - delingen habarlamada.
Mekemeniń astana.kz saıtyna habarlaýynsha, búgin saǵat 05.50 «Astana sý arnasy» MKK apattyq-dıspetcherlik qyzmetine Seıfýllın kóshesi men Sabyr Rahymuly kóshesiniń qıylysynda dıametri 700 mm-lik sý qubyryndaǵy apat týraly ótinim kelip tústi. Atalǵan mekenjaı boıynsha apatty joıý úshin 20 arnaıy tehnıka men «Astana sý arnasy» MKK JPÝ-3 3 brıgadasy jumyldyryldy.
Kásiporynnyń baspasóz qyzmetiniń habarlaýynsha, atalǵan mekenjaılar boıynsha sý tasymaldaý uıymdastyrylady. Apatty saǵat 18.00 joıý kózdelgen.
